Nani missir af baráttunni um Manchester

Sir Alex Ferguson hefur staðfest að Portúgalinn Nani muni missa af nágrannaslag United og City í Manchester sem fram fer á miðvikudag. Hann var ekki í liði United sem hafði nauman 2-1 sigur á Wolves í gær og verður frá næstu vikuna hið minnsta.

Nani nældi sér í meiðsli í Meistaradeildinni í vikunni þegar United lék gegn Bursapor. Nokkuð er um meiðsli í herbúðum United sem þykir ekki ánægjuefni þegar einn af stóru leikjum leiktíðarinnar er framundan.

„Það eru stórir leikir framundan hjá okkur. Við leikum gegn Manchester City á miðvikudag og eigum svo Chelsea og Arsenal á næstu vikum. Nani verður ekki kár fyrir miðvikudag en við vonumst til að Dimitar Berbatov hefji æfingar á miðvikudag," segir Ferguson en Berbatov var fjarrverandi í gær vegna meiðsla.