Bale og unnusta eru eins og Gavin og Stacey

Gareth Bale er heitasti leikmaðurinn í enska boltanum um þessar mundir. Þessi welski vængmaður hefur heillað knattspyrnuunnendur um allan heim upp úr skónum með frábærum leik síðustu vikur.

Frægðin virðist ekki hafa mikil áhrif á hinn 21 árs gamla Bale sem hefur verið með sömu stelpunni síðan hann var táningur.

Unnusta hans, Emma Rhys-Jones, segir að parið sé eins og sjónvarpsparið Gavin og Stacey.

Þau voru dugleg að keyra til hvors annars er hún bjó í Cardiff og Bale í Essex.

"Þetta gekk upp hjá okkur eins og hjá Gavin og Stacey. Við erum alltaf að grínast í hvort öðru og ég kalla Gareth stundum Gav," sagi Rhys-Jones.