Sjúkrabílar í hergagnaflutningum

Í einu af skeytunum sem Wikileaks birtir um samskipti milli bandarískra sendiráða og utanríkisráðuneytisins er því haldið fram að Íran hafi notað sjúkrabíla til þess að koma hergögnum til Hisbolla hreyfingarinnar í Líbanon í 34 daga stríði hennar við Ísrael árið 2006. Yfir 1200 Líbanar og 160 Ísraelar féllu í átökunum.

Í skeytinu segir að manneskja sem ekki er nafngreind hafi séð eldflaugar í sjúkrabílum sem var skipað um borð í flugvélar sem áttu að flytja sjúkragögn til Líbanons. Íranar eru taldir fjármagna Hizbolla með milljóna dollara framlögum á ári.