Agger gæti verið lengi frá

Óvíst er hvenær Daniel Agger getur byrjað að spila á ný en honum hefur verið ráðlagt að taka sér hvíld frá æfingum.

Agger hefur verið meiddur á kálfa og hefur ekki spilað síðan 25. september síðastliðinn.

Hann hitti lækni í Lundúnum á dögunum sem sagði honum að hvíla sig til að gefa meiðslunum tækifæri til að jafna sig.

„Agger verður frá í lengri tíma. Þeir geta ekki metið það hvenær hann mun koma til baka," sagði Roy Hodgson, stjóri Liverpool.

„Hann getur ekki æft eins og er og verður að hvíla sig þar til hann hittir sérfræðinginn næst. "