Moyes og van der Vaart bestir í október

Þeir David Moyes, stjóri Everton, og Rafael van der Vaart, leikmaður Tottenham, voru í gær valdir bestir á sínu sviði í ensku úrvalsdeidlinni fyrir októbermánuð.

Þetta er í áttunda sinn sem Moyes fær þessi verðlaun síðan hann tók við Everton árið 2002 en undir hans stjórn vann Everton þrjá leiki og gerði eitt jafnteli í október.

Van der Vaart er 27 ára Hollendingur sem slegið hefur í gegn í ensku úrvalsdeildinni síðan hann kom til Tottenham í haust. Hann skoraði þrjú mörk í október og gaf eina stoðsendingu.

Hann er fimmti Hollendingurinn sem fær þessi verðlaun - hinir eru Dennis Bergkamp, Ruud van Nistelrooy, Arjen Robben og Robin van Persie.