Ferguson: Hernandez á hrósið skilið

Sir Alex Ferguson, stjóri Manchester United, segir að öll sú vinna sem Javier Hernandez hefur lagt á sig sé að borga sig nú.

Hernandez kom inn á sem varamaður og tryggði United 3-2 sigur á Wolves í ensku deildabikarkeppninni í kvöld með marki á 90. mínútu leiksins.

„Menn eru oft fljótir að verða að hetjum en hann á allt það hrós skilið sem hann fær þessa dagana," sagði Ferguson eftir leikinn.

„Hann er afar fagmannlegur. Hann mætir fyrstur á æfingasvæðið á hverjum degi og fer síðastur heim."

„Maður sér um leið að hann nýtir þau færi sem hann kemst í. Hann er að bæta sig á mörgum sviðum og það er vegna þess að hann æfir mjög stíft. Okkur er mjög umhagað um það og viljum að allir leikmenn bæti sig," sagði Ferguson.