Eiður ekki í hópnum hjá Stoke

Eiður Smári Guðjohnsen er ekki í leikmannahópi Stoke í dag en liðið mætir Sunderland á útivelli nú klukkan 15.00.

Eiður hefur enn ekki fengið tækifæri í byrjunarliði Stoke síðan hann kom til liðsins í haust og í vikunni sagði Tony Pulis, stjóri liðsins, að hann væri enn of þungur.

Pulis átti von á því að Eiður gæti byrjað að spila í desember af fullum krafti. Eiður hefur hins vegar yfirleitt verið í leikmannahópi Stoke og oftast komið inn á sem varamaður í leikjum liðsins á undanförnum vikum.

Byrjunarlið Sunderland: Mignolet, Onuoha, Turner, Mensah, Bardsley, Elmohamady, Henderson, Cattermole, Malbranque, Welbeck, Gyan.

Varamenn: Gordon, Richardson, Zenden, Angeleri, Da Silva, Riveros, Ferdinand.

Byrjunarlið Stoke: Begovic, Huth, Shawcross, Faye, Collins, Walters, Whitehead, Wilson, Etherington, Sanli, Jones.

Varamenn: Sorensen, Higginbotham, Whelan, Fuller, Pennant, Delap, Wilkinson.