Ancelotti: City mun ekki berjast um titilinn

Margir höfðu trú á því að Manchester City myndi berjast um Englandsmeistaratitilinn eftir að hafa eytt himinháum fjárhæðum í leikmenn í sumar.

Carlo Ancelotti, kanttspyrnustjóri Englandsmeistara Chelsea, er einn þeirra sem hefur ekki trú á City sem hafa tapað tveimur leikjum í röð í deildinni.

„Ég tel að Arsenal og Man United séu í sama gæða og við. Ég hélt að City myndi vera í baráttunni en þeir virðast vera í vandræðum sem þeir þurfa að leysa úr. Ég held að þeir eigi í vandræðum með að ná stöðugleika eftir að þeir fengu marga nýja leikmenn. Það er alltaf erfitt að eiga við það," sagði Ancelotti við breska blaðamenn.