Balotelli skoraði tvö og fékk að líta rautt í sigri City

Ítalinn Mario Balotelli var heldur betur í sviðsljósinu á Hawthorns vellinum, heimavelli West Brom, þegar milljarðalið Manchester City hafði betur gegn West Brom, 0-2. Carlos Tevez var óvænt í byrjunarliði City og lagði upp fyrsta markið sem Balotelli skoraði á 20. mínútu.

Balotelli var aftur á ferðinni þegar hann skoraði glæsilega framhjá Scott Carson í marki West Brom á 26. mínútu. Staðan í hálfleik var 0-2 fyrir City sem voru með tögl og halgdir á leiknum.

Balotelli sýndi í síðari hálfleik hvers vegna hann er talinn vandræðagemsi. Hann fékk að líta beint rautt spjald þegar hann sparkaði í áttina að Youssuf Mulumbu á 63. mínútu. Mulumbo fékk svo sjálfur að líta rauða spjaldið þegar hann straujaði Tevez niður á 82. mínútu.

Mörkin hjá Bolatelli í fyrri hálfleik reyndust hins vegar nóg til að innbyrða sigurinn sem skýtur City upp að hlið Arsenal í 4. sæti með 20 stig. West Brom er í 9. sæti með 15 stig.



West Brom 0-2 Man City

0-1 Mario Balotelli (20.)

0-2 Mario Balotelli (26.)

Rautt: Mario Balotelli (63.) og Youssuf Mulumbu (82.)

West Brom: Carson, Shorey, Tamas, Pablo, Cech, Mulumbu, Scharner, Brunt, Cox, Thomas, Fortune.

Varamenn: Myhill, Tchoyi, Barnes, Miller, Reid, Dorrans, Odemwingie.

Man City: Hart, Zabaleta, Toure, Kompany, Boateng, De Jong, Barry, Toure Yaya, Silva, Tevez, Balotelli.

Varamenn: Given, Richards, Milner, Adebayor, Adam Johnson, Kolarov, Vieira.