Carragher: Gerrard besti leikmaður Liverpool frá upphafi

Jamie Carragher, leikmaður Liverpool, segir að Steven Gerrard sé besti leikmaðurinn í sögu félagsins. Gerrard skoraði öll þrjú mörkin í 3-1 sigri liðsins á Napoli í gær eftir að hafa komið inn á sem varamaður í hálfleik er staðan var 1-0 fyrir Ítalina.

„Stevie býr yfir ótrúlegum hæfileikum en það vitum við öll," sagði Carragher við enska fjölmiðla. „Við höfum séð hann í þessum ham oft áður á ferlinum."

„Hann hefur sýnt það aftur og aftur hversu góður hann er og það gerir hann að besta leikmanni sem Liverpool hefur nokkru sinni haft."

„Viðbrögð stuðningsmanna létu ekki á sér standa þegar hann kom inn á í gær og hann gerði alla í kringum sig betri."