Jafntefli sem bragðast eins og tap

Gerard Houllier, stjóri Aston Villa, var hundsvekktur eftir jafntefli liðsins við Fulham í dag.

Marc Albrighton kom Villa yfir í leiknum en norski varnarmaðurinn Brede Hangeland jafnaði metin með marki í uppbótartíma.

„Stemningin inn í búningsklefa var eins og við hefðum tapað leiknum því að við fengum ekki öll stigin eins og við áttum skilið," sagði Houllier.

„Við spiluðum vel. Við sköpuðum okkur færi og skoruðum. Hefðum við verið aðeins einbeittari hefðum við unnið leikinn."

Mark Albrighton var fyrsta mark Villa í síðustu fjórum deildarleikjum. „Markið var frábært og það komu margir ungir leikmenn að því - leikmenn sem eru 20 ára eða yngri," sagði Houllier og átti þar við Albrighton, Barry Bannan, Nathan Delfuenso og Ciaran Clark.

Hann hrósaði Bannan sérstaklega en hann er leikmaður skoska U-21 landsliðsins sem íslenska ungmennalandsliðið lék við í síðasta mánuði.

„Hann stóð sig vel í leiknum gegn Birmingham sem var hans fyrsti leikur. Hann býr yfir miklu sjálfstrausti, er hæfileikur og hefur gott auga fyrir sendingum."