Wenger biður um frið vegna fréttar The Sun

Arsene Wenger, stjóri Arsenal, hefur beðið um að fjölmiðlar gefi honum frið til að takast á við fréttir sem birtust í dag um meint framhjáhald hans.

Enska götublaðið The Sun greindi frá því á forsíðu í dag að Wenger hafi átt í tveggja ára ástarsambandi við franska söngkonu, Soniu Tatar.

„Þetta er mjög alvarlegt mál. Ég mun ekki tjá mig um þetta frekar og óska eftir næði til að takast á við það," sagði Wenger í dag.

Arsenal sendi einnig frá sér tilkynningu í dag og bað um að einkalíf Wengers og fjölskyldu hans væri virt.