Vilja Vilhjálm prins í konungssætið

Um 64% Breta vilja að Vilhjálmur prins taki við krúnunni eftir að amma hans, Elísabet II, sest í helgan stein. Þetta sýnir ný skoðanakönnun sem gerð var fyrir breska slúðurblaðið News of the World.

Skoðanakönnun sem gerð var fyrir Sunday Times sýnir að stærstur hluti af Bretum telji að Vilhjálmur yrði betri konungur en Karl faðir hans. Karl Bretaprins er næstur í röðinni af erfingum krúnunnar og þyrfti því að afsala sér tign ef Vilhjálmur á að taka við af Elísabetu.