Torres með tvö í sigri Liverpool

Fernando Torres skoraði bæði mörkin í 2-0 sigri Liverpool á toppliði Chelsea í ensku úrvalsdeildinni í dag.

Þetta eru kærkominn sigur fyrir Liverpool og mörkin tvö fyrir Torres sjálfan sem fann sig ekki í upphafi tímabilsins, rétt eins og liðið sjálft.

Þetta er aðeins annað tap Chelsea á leiktíðinni en liðið er engu síður á toppi deildarinnar með tveggja stiga forystu á Manchester United.

Liverpool hefur nú unnið þrjá deildarleiki í röð og er komið upp í níunda sæti deildarinnar en liðið var í fallsæti í síðasta mánuði.

Torres skoraði bæði mörkin í fyrri hálfleik. Það fyrra á 11. mínútu eftir glæsilega sendingu Dirk Kuyt og svo með frábæru skoti undir lok hálfleiksins.

Raul Mereiles hafði þá unnið boltann af Ashley Cole og rennt honum út á Torres sem skoraði með skoti utarlega í vítateignum.

Kuyt var nálægt því að bæta þriðja markinu við og þá varði Pepe Reina vel frá þeim Florent Malouda og Nicolas Anelka.