Wenger: Úrslit dagins eru mikil vonbrigði

Arsene Wenger er allt annað en sáttur með lærisveina sína í Arsenal sem töpuðu mjög óvænt á heimavelli gegn nýliðum Newcastle í dag. Það var Andy Carroll sem skoraði eina mark leiksins og hefur Wenger áhyggjur af frammistöðu liðsins á heimavelli.

„Frammistaða liðsins á heimavelli veldur áhyggjum og úrslit dagsins eru okkur mikil vonbrigði. Við fundum aldrei þá skerpu sem okkur vantaði og náðum ekki setja í annan gír," sagði Wenger sem varði markvörðinn Lukasz Fabianski sem leit ekki vel út í markinu sem Carroll skoraði.

„Þetta voru ekki tæknileg mistök heldur spurning um tímasetningu. Þannig sá ég þetta á hliðarlíunni. Carroll var okkur erfiður," segir Wenger sem er vafalaust í þungum þönkum eftir helgina því fréttir um meint framhjáhald hans er nú í fyrirsögnum bresku blaðanna.