Innlent

Líklegt að kaup Magma verði samþykkt

Ingimar Karl Helgason skrifar
Gert er ráð fyrir að kaup Magma á hlutum í HS orku verði samþykkt í dag. Mynd/ Valgarður.
Gert er ráð fyrir að kaup Magma á hlutum í HS orku verði samþykkt í dag. Mynd/ Valgarður.
Nefnd um erlendar fjárfestingar mun að líkindum samþykkja kaup Magma Energy á hlutum í HS orku. Fundur nefndarinnar hófst klukkan tvö.

Kanadíska félagið hefur keypt umtalsverðan hlut í HS orku í gegnum sænskt dótturfélag sitt, Magma Energy Sweden. Sænska félagið var stofnað sérstaklega til að fjárfesta hérlendi.



Samkvæmt lögum um takmarkanir á erlendri fjárfestingu, geta einungis íslenskir aðilar eða aðilar af evrópska efnahagsvæðinu átt í orkufyrirtækjum.

Nefnd um erlendar fjárfestingar hefur um nokkurra mánaða skeið metið hvort fjárfesting Magma hér á landi standist lögin. Meðal annars hefur nefndin látið vinna fyrir sig lögfræðiálit í þessu skyni.



Unnur Kristjánsdóttir, formaður nefndarinnar og fulltrúi Samfylkingarinnar í henni, vildi ekkert tjá sig um málið fyrir fundinn. Hún lét heldur ekkert uppi um sína afstöðu.

Eftir því sem næst verður komist mun nefndin fallast á að kaup Magma á hlutum í HS orku standist íslensk lög. Þó sé ekki loku fyrir það skotið að nefndin komist að annarri niðurstöðu, leiði umræður á fundinum til þess.




Tengdar fréttir

Munu kaup Magma Energy á HS Orku hafa áhrif á gengi krónunnar?

Kanadíska fyrirtækið Magma Energy gæti eignast 32% hlut í HS Orku til viðbótar þeim 11% hlut sem þeir eiga nú þegar. Eins og komið hefur fram í kvöldfréttum Stöðvar 2 og á Vísi, gæti kaupverðið numið um 12 milljörðum króna.

Kaup Magma í HS hugsanlega ólögleg

Kaup kanadíska félagsins Magma Energy í HS orku, kunna að fara á svig við íslensk lög, að mati Lagastofnunar Háskólans. Endanleg niðurstaða um lögmætið fáist ekki nema fyrir dómstólum.

Magma Energy tapaði 675 milljónum á síðasta ársfjórðungi

Magma Energy tapaði tæplega 5.25 milljónum dollara eða um 675 milljónum kr. á síðasta ársfjórðungi í fyrra en fjórðungurinn er annar í uppgjörsári félagsins. Þetta er töluvert meira tap en á sama tímbili árið áður þegar félagið skilaði rúmlega milljón dollara tapi.

Magma ætlar að auka orkuvinnslu HS Orku um 230 MW

Magma Energy er með áform uppi um að auka orkuvinnslu HS Orku um 230 MW fram að árinu 2015. Þetta kemur fram í tilkynningu frá félaginu til kauphallarinnar í Kanda þar sem greint var frá því að búið sé að ganga frá kaupum Magma á 32,32% hlut í HS Orku.

Magma styrkir ÍSÍ í Vancouver

Íþrótta- og Ólympíusamband Íslands og Magma Energy Corp. hafa undirritað samkomulag um samstarf í tengslum við Ólympíulið Íslands á Vetrarólympíuleikunum í Vancouver 2010. Magma, sem á hlut í HS Orku og er með höfuðstöðvar í Vancouver, mun greiða götu Ólympíuliðs Íslands á ýmsa vegu í Vancouver fram yfir leikana.

Beaty átti „árangursríkan“ fund við Steingrím

Ross Beaty, forstjóri og aðaleigandi Magma Energy hitti Steingrím J. Sigfússon fjármálaráðherra að máli í morgun. Beaty segir í samtali við fréttastofu að fundurinn hafi verið árangursríkur þó ekki hafi fengist klár niðurstaða. „Við skiptumst á skoðunum og hugmyndum en eigum eftir að ræða betur saman," segir Beaty.

Magma Energy stofnar íslenskt dótturfélag

Kanadíska jarðhitafyrirtækið Magma Energy Corporation, sem á 40,94% hlut í HS Orku í gegnum dótturfyrirtæki sitt Magma Energy Sweden AB, hefur sett á stofn dótturfyrirtæki hér á landi, Magma Energy Iceland ehf.

Magma kaupir 11% í HS Orku og leggur fram 5 milljarða

Geysir Green Energy og kanadíska jarðhitafyrirtækið Magma Energy Corporation (Magma) hafa gert með sér samkomulag um kaup Magma á tæplega 11% hlut í HS Orku af Geysi. Á móti leggur Magma fram fimm milljarða kr. í HS Orku.

OR vildi að hæfi Silju Báru yrði kannað sérstaklega

Orkuveita Reykjavíkur krafðist þess að hæfi Silju Báru Ómarsdóttur, til að sitja í nefnd um erlendar fjárfestingar yrði kannað sérstaklega. Nefndin rannsakar fjárfestingu kanadíska félagsins Magma Energy, í íslenskum orkuiðnaði, en nefndin hefur ráðherravald.

Ross Beaty sest í stjórn HS orku

Forstjóri kanadíska félagsins Magma Energy hefur tekið sæti í stjórn HS orku. Ross Beaty, forstjóri, ásamt öðrum fulltrúa félagsins, Lyle Braaten, eru nú komnir inn í stjórn fyrirtækisins. Fyrsti stjórnarfundurinn með þátttöku þeirra er nú að hefjast. Vísir fékk ekki nákvæmar upplýsingar um hvað stæði til að ræða á fundinum, annað en að þar yrði „farið yfir öll helstu mál“.

Magma tapar tæplega þremur milljónum dollara

Félagið Magma Energy tapaði 2,7 milljónum dollara á fyrsta ársfjórðungi en á sama tíma fyrir ári tapaði fyrirtækið rúmlega áttahundruð þúsund dollurum. Magma Energy á meðal annars hlut í HS orku á Suðurnesjum.

Tjáir sig ekki um kaup á HS

Katrín Júlíusdóttir iðnaðar­ráðherra vill ekki tjá sig um möguleikana á því að ríkið kaupi hlut Orkuveitu Reykjavíkur í HS orku. „Ég tjái mig ekki um þetta mál á meðan við erum að skoða það. Við erum að fara yfir málið frá a til ö,“ segir Katrín.

Óvissa um hlutinn í HS Orku

Ríkið hefur ekki tök á því að kaupa hlut Orkuveitu Reykjavíkur í HS Orku. Þetta er skoðun margra samfylkingarmanna og meirihluta borgarstjórnar, samkvæmt heimildum Fréttablaðsins.

HS orka komin í eigu erlendra aðila

HS orka, orkufyrirtæki Reyknesinga, er nú að meirihluta í eigu erlendra aðila. Nefnd um erlendar fjárfestingar hefur vikum saman fjallað um kaup kanadíska félagsins Magma Energy á stórum hlut í fyrirtækinu. Reiknað er með niðurstöðu eftir áramót.

Magma kemst í kringum íslensk lög

Kanadíska jarðhitafélagið Magma Energy kemst í kringum íslensk lög, sem takmarka fjárfestingar útlendinga í íslenskum orkufyrirtækjum, með sænsku skúffufélagi.

Einkavæðing Hitaveitu Suðurnesja

Hið opinbera, jafnt ríki sem sveitarfélög eiga í miklum fjárhagsörðugleikum. Lausafjárstaðan er slæm og það er freistandi að selja almannafyrirtæki eða hluta þeirra. Þekkt er erlendis frá að við aðstæður sem þessar, mæta „hákarlarnir“ með það í huga að eignast almannafyrirtæki fyrir lítið fé. Í þessu felast hættur sem vel gætu hamlað endurreisn Íslands.

Mest lesið


Fleiri fréttir

Sjá meira


×

Mest lesið