Magma styrkir ÍSÍ í Vancouver

Íþrótta- og Ólympíusamband Íslands og Magma Energy Corp. hafa undirritað samkomulag um samstarf í tengslum við Ólympíulið Íslands á Vetrarólympíuleikunum í Vancouver 2010. Magma, sem á hlut í HS Orku og er með höfuðstöðvar í Vancouver, mun greiða götu Ólympíuliðs Íslands á ýmsa vegu í Vancouver fram yfir leikana.

Í tilkynningu frá ÍSÍ segir samstarfssamningurinn hafi mikið að segja í undirbúningi og aðdraganda Ólympíuleikanna í Vancouver, ekki síst í ljósi núverandi markaðsaðstæðna á Íslandi. Þá segir að ákveðið verði með áframhald á samstarfinu síðar á árinu.