Grétar Rafn í úrvalsliði Sky og Soccernet

Siglfirðingurinn Grétar Rafn Steinsson er í úrvalsliði helgarinnar hjá vefmiðlinum Soccernet og hann er einnig í úrvalsliði helgarinnar hjá Sky. Grétar skoraði eitt marka Bolton í 4:2 sigri liðsins gegn Tottenham í ensku úrvalsdeildinni á laugardag.

Lið umferðarinnar hjá Soccernet er þannig skipað:

Markvörður: Pepe Reina (Liverpool). Varnarmenn: Jamie Carragher (Liverpool), Grétar Rafn Steinsson (Bolton), Brede Hangeland (Fulham), Chiek Tiote (Newcastle). Miðjumenn: Park Ji-Sung (Man Utd), Morten Gamst Pedersen (Blackburn), Mario Balotelli (Man City). Sóknarmenn: Asamoah Gyan (Sunderland), Fernando Torres (Liverpool), Andrew Carroll (Newcastle). Knattspyrnustjóri Newcastle Chris Hughton stýrir þessu liði en hann fagnaði 1:0 sigri á útivelli gegn Arsenal.