Tífalt fleiri nota lyf við ADHD

Síðustu 10 árin hefur fjöldi Dana sem nota lyf við ADHD tífaldast. Þrír af hverjum fjórum börnum sem bættust í hóp lyfjanotendanna voru drengir. Þetta sýnir ný skýrsla danska heilbrigðiseftirlitsins.

Í fyrra voru um 25 þúsund Danir í lyfjameðferð gegn ADHD og fjölgaði þeim bæði í hópi barna og fullorðinna. Mest aukning var þó í hópi ungra karlmanna.

Eftir sem áður eru það helst drengir á aldrinum 8-10 ára sem eru á lyfjum gegn ADHD og stúlkur á aldrinum 16-20 ára. Um 2,2% allra drengja á aldrinum 10-19 ára eru á ADHD lyfjum.

ADHD lýsir sér helst í miklu eirðarleysi, einbeitningaskorti, erfiðleikum með að vera kyrr og erfiðleikum með að muna.