Nasri skaut Arsenal á toppinn - enn vandræðagangur á Chelsea

Arsenal er komið á topp ensku úrvalsdeildarinnar í knattspyrnu eftir góðan 2-1 heimasigur á Fulham. Á sama tíma gerði Chelsea jafntefli, 1-1, við Everton á heimavelli. Man. Utd lék ekki í dag þar sem leik liðsins gegn Blackpool var frestað.

Samir Nasri var hetja Arsenal í dag en hann skoraði bæði mörk liðsins í sigrinum á Fulham. Hið síðara kom stundarfjórðungi fyrir leikslok.

Það leit lengi vel út fyrir að Chelsea myndi loksins vinna sigur er það tók á móti Everton. Didier Drogba kom liðinu yfir úr vafasamri vítaspyrnu í lok fyrri hálfleiks.

Phil Neville átti þá glórulausa sendingu til baka sem Anelka komst inn í. Hann sendi boltann fram hjá Howard markverði, hljóp svo beint í fangið á honum og fékk víti.

Þegar aðeins nokkrar mínútur voru eftir af leiknum náði Jermaine Beckford að stanga boltann í netið og tryggja Everton stig. Beckford hefur einstakt lag á því að skora mikilvæg mörk.

Grétar Rafn Steinsson og Eiður Smári Guðjohnsen fengu ekkert að spila með sínum liðum í dag.

Úrslit dagsins:

Arsenal-Fulham 2-1

1-0 Samir Nasri (14.), 1-1 Diomansy Kamara (29.), 2-1 Samir Nasri (74.)

Birmingham-Tottenham 1-1

0-1 Sebastian Bassong (19.), 1-1 Craig Gardner (80.)

Blackburn-Wolves 3-0

1-0 David Dunn (28.), 2-0 Brett Emerton (43.), 3-0 Ryan Nelsen (55.)

Chelsea-Everton 1-1

1-0 Didier Drogba, víti (42.), 1-1 Jermaine Beckford (86.)

Man. City-Bolton 1-0

1-0 Carlos Tevez (4.)

Rautt spjald: Aleksandar Kolarov, Man. City (77.)

Wigan-Stoke 2-2

0-1 Robert Huth (18.), 1-1 Danny Collins, sjm (30.), 1-2 Matthew Etherington (30.), 2-2 Tom Cleverley (39.)

Leik Blackpool og Man. Utd var frestað.