Haukar sömdu við Skotann

Haukar hafa samið við skotann Jamie Mcunnie sem hefur verið á reynslu hjá liðinu undanfarna daga. Hann verður hjá liðinu út tímabilið.

Haukar hafa komið sér fyrir í kjallaranum á Pepsi-deildinni og veitir ekki af liðsstyrk. Liðið á enn eftir að vinna leik í sumar.

Mcunnie getur spilað á miðjunni sem og í vörn.

Andri Marteinsson gat ekkert gefið upp um það við Vísi í hádeginu hvort Skotinn hefði samið eða ekki. Samningurinn var síðan undirritaður rétt eftir það og er hann löglegur með liðinu frá og með deginum í dag.