Huntelaar til Englands í sumar?

Adriano Galliani, varaforseti AC Milan, útilokar ekki að sóknarmaðurinn Klaas-Jan Huntelaar muni fara yfir til Englands. Þessi hollenski leikmaður hefur ekki fundið sig á Ítalíu.

Áður en hann hélt til Mílanó var hann í herbúðum Real Madrid þar sem það sama var uppi á teningnum og hann náði ekki að festa sig í sessi.

Huntelaar hefur ekki náð að standa undir væntingum síðan hann yfirgaf Ajax þar sem hann raðaði inn mörkum. Hann hefur oft verið orðaður við Manchester United og Tottenham.