Vopnahlé á Gaza heldur

Vopnahléið á Gaza, sem Ísraelsmenn lýstu yfir á laugardagskvöld, heldur enn sem komið er. Palestínumenn fóru um svæðið í gær og notuðu berar hendur og jarðýtur til að grafa lík upp úr rústum víða um borgina.

Ismaíl Hanijeh, leiðtogi Hamas-samtakanna á Gaza, lýsti því yfir í gærkvöldi að Hamas-liðar hefðu borið sigur úr býtum í stríðinu við Ísraelsmenn sem hefðu ekki náð því yfirlýsta markmiði sínu að þurrka samtökin út. Ljóst er að tjónið á Gaza-svæðinu er gríðarlegt og stórir hlutar borgarinnar rústir einar.