Bing er nýjasta leitarvél Microsoft

Steve Ballmer, framkvæmdastjóri Microsoft, hleypti í gær af stokkunum tilraunaútgáfu nýrrar leitarvélar hugbúnaðarfyrirtækisins sem gengur undir nafninu Bing og er ætlað að verða eins konar keppinautur og jafnvel arftaki Google-leitarvélarinnar sem einnig er runnin undan rifjum Microsoft. Ballmer sagði við þetta tækifæri að það væri skoðun Microsoft að þær leitarvélar, sem nú væru í hvað mestri notkun, svöruðu í raun almennt ekki nema 60 prósentum leitarspurninga og auk þess væri helmingur allra leita þeirra endurtekning á fyrri leitum. Þessu væri Bing ætlað að vinna bót á.