40 látnir í jarðskjálftanum á Ítalíu

Tala látinna í jarðskjálftanum á Ítalíu í nótt hefur farið hækkandi þegar liðið hefur á morguninn. Nú er talið að 50 hafi látist í það minnsta en skjálftinn mældist 6,3 á Richter. Það er því orðið ljóst að skjálftinn er sá mannskæðasti sem riðið hefur yfir ítalíu frá árinu 1980 þegar tæplega þrjú þúsund manns létust í suðurhluta landsins.

Björgunarmenn vinna nú að því að bjarga fólki úr rústum húsa. Upptök skjálftans voru um 100 kílómetra norðaustur af höfuðborginni Róm og fannst hann glöggt þar.