„Meira að segja kaldara en á Íslandi“

Óttast er að rúmlega 12 eldri borgarar í Bretlandi geti dáið að meðaltali vegna kulda á hverri klukkustund eins og ástandið er nú þar í landi.

Samtök eldri borgara í Bretlandi skora á stjórnvöld og orkufyrirtæki að koma til móts við eldra fólk en óttast er að margir fari illa út úr síhækkandi matar- og gasverði og nái hvorki að kynda heimili sín né eiga til hnífs og skeiðar fari sem horfir.

Spáð er allt að 12 stiga frosti sums staðar í Bretlandi í kvöld og tekur Telegraph sérstaklega fram að það sé meira að segja kaldara en á Íslandi.