Greiningadeildin: Skipulagt vændi og mansal hér á landi

Skipulögð vændisstarfsemi er til staðar hér á landi samkvæmt greinindadeild ríkislögreglustjórans en þar kemur jafnframt fram að lögreglan á höfuðborgarsvæðinu upplýsi að erlendar vændiskonur geri út þjónustu sína hér á landi. Mikill hluti af tekjum þessara kvenna eru svo sendir úr landi. Þá telur greiningadeildin að starfsemin tengist oft fíkniefnaheiminum. Vísir og Stöð 2 hafa nýlega greint frá tveimur tilvikum erlendra vændiskvenna en þær eru gerðar út sitthvoru megin við lögreglustöðina við Hlemm.

Einnig kemur fram í skýrslunni að Ísland virðist vera gegnumstreymisland hvað varðar smygl á fólki. Greiningadeildin segir að mansal hér á landi hafi löngum verið tengt nektarstöðum og vændi.

Fréttastofa Stöðvar 2 og Vísis, hafa upplýst um vændi og mansal, og það í kringum lögreglustöðina við Hlemm. Vísir sagði síðast frá Samönthu frá Brasilíu sem kom hingað til lands í gegnum Spán. Hún, ásamt tveimur öðrum konum, selja líkama sína við hliðina á lögreglustöðinni - klukkustundin kostaði 20 þúsund krónur. Það var svo í síðustu viku sem Stöð 2 greindi frá vændishúsi við Hverfisgötu 105 þar sem konur seldu líkama sína.

Ein kona sakaði Catalinu Ncogo, sem er grunuðu um að halda úti starfsemi vændiskvennanna við Hverfisgötuna, að hafa stolið af sér vegabréfi og reynt að þvinga sig í vændi. Catalina neitaði ásökununum.