Innlent

Nýr formaður BSRB kjörinn í dag

Snorri, Arna Jakobína, Árni Stefán og Elín Björg. Mynd/BSRB
Snorri, Arna Jakobína, Árni Stefán og Elín Björg. Mynd/BSRB
Kosning formanns BSRB fer fram upp úr hádegi í dag á þingi bandalagsins. Eins og kunnugt er hefur Ögmundur Jónasson ákveðið að hætta sem formaður eftir að hafa gegnt starfinu í 21 ár. Fjórir hafa gefið kost á sér til formennsku en til þess að vera réttkjörinn formaður þarf viðkomandi að njóta stuðnings meira en helmings þingfulltrúa.

Þeir sem hafa gefið kost á sér til formanns eru Arna Jakobína Björnsdóttir formaður Kjalar, stéttarfélags starfsmanna í almannaþjónustu, Árni Stefán Jónsson formaður SFR - stéttarfélags í almannaþjónustu, Elín Björg Jónsdóttir formaður Félags opinberra starfsmanna á Suðurlandi og Snorri Magnússon formaður Landssambands lögreglumanna.




Tengdar fréttir

Þrír vilja taka við af Ögmundi

42. þing Bandalags starfsmanna ríkis og bæjar, BSRB, hefst á miðvikudag og stendur fram á föstudag. Á þinginu lætur Ögmundur Jónasson af störfum sem formaður en hann hefur verið formaður frá 1988. Þrír gefa kost á sér til formanns. Það eru þau Arna Jakobína Björnsdóttir formaður Kjalar, Árni Stefán Jónsson formaður SFR og Elín Björg Jónsdóttir formaður Félags opinberra starfsmanna á Suðurlandi.

Niðurskurðurinn verður þjóðfélaginu dýrkeyptur

Stjórn BSRB krefst þess að stjórnvöld virði yfirlýsingar sem þau hafa gefið um að verja störf og kjör láglauna- og meðaltekjufólks. Lítils samræmis virðist gæta milli stefnumörkunar stöðugleikasáttmálans sem ríki og sveitarfélög skrifuðu undir í júní og hvernig niðurskurður opinberra aðila birtist í framkvæmd. Mörg sveitarfélög hafa gripið til uppsagna starfsfólks og skert grunnþjónustu þrátt fyrir að þau hafi lýst því yfir með undirritun stöðugleikasáttmálans að þau myndu forðast það.

Snorri býður sig fram til formennsku í BSRB

Snorri Magnússon, formaður Landssambands lögreglumanna hefur tilkynnt að hann bjóði sig fram til formanns Bandalags starfsmanna ríkis og bæja, eða BSRB, á 42. þingi bandalagsins, sem haldið verður á Grand Hótel í Reykjavík, dagana 21. - 23. október næstkomandi.

„Við erum komin aftur til Íslands“

„Við eigum að horfast í augu við það að í þjóðfélaginu ríkir togstreita,“ sagði Ögmundur Jónasson, fráfarandi formaður BSRB, við setningu 42. þings sambandsins í dag. Það væri hlutverk aðila innan BSRB að toga fyrir þá sem standa höllum fæti gagnvart fjármagni og valdi. „Það breytir því ekki að togstreytunni á jafnan að beina í eins jákvæðan og uppbyggilegan farveg og kostur er. Ég vil að við séum sem ein fjölskylda. En þá verðum við líka að vera það í reynd,“ sagði Ögmundur.

Mest lesið


Fleiri fréttir

Sjá meira


×

Mest lesið