Pútín talinn stefna aftur á forsetastólinn

Vladimír Pútín, forsætisráðherra Rússlands, er talinn ætla sér í forsetastólinn aftur, jafnvel þótt það verði ekki fyrr en árið 2012 en þá má hann setjast aftur á forsetastól, samkvæmt stjórnarskrá landsins. Pútín sat tvö kjörtímabil í röð þegar hann gegndi forsetaembætti en stjórnarskráin leyfir ekki að sami maður gegni embættinu lengur í einu. Rússnesk stjórnvöld eru einnig með það til skoðunar nú, að færa val á forseta landsins frá 19 stjórnlagadómurum, sem samkvæmt núverandi skipulagi velja forsetann, yfir til efri deildar þingsins.