Búist við lítilli kosningaþátttöku

Kosningum til Evrópuþingsins lýkur í dag, en þær hófust á fimmtudaginn. Kosið er í öllum 27 Evrópusambandslöndunum en þingsætin eru 736. Ekki var gert ráð fyrir mikilli kosningaþátttöku, enda var hún 38% þegar síðast var kosið árið 2004. Kjósendur virðast hallast til hægri þetta skiptið.

Íhaldsflokkar eru nú í meirihluta í Þýskalandi, á Ítalíu og í Frakklandi. Í Bretlandi, Spáni og minni löndum virðist staðan vera jafnari.

Mikið atvinnuleysi er nú í Evrópu og efasemdir virðast vera meðal íbúa um getu Evrópusambandsins til að taka á vandanum.