1500 glæpamenn undir vopnum í Kaupmannahöfn

Hells Angeles og gengi innflytjenda í Kaupmannahöfn fá nú svo mikinn liðsauka að lögreglan er að missa yfirsýn yfir þá sem þarf að fylgjast með.

Það eru einkum innflytjendur sem streyma til höfuðborgarinnar víðsvegar að úr Danmörku.

Lögreglan hefur verið að fylgjast með yfir sjöhundruð Vítisenglum og yfir 300 innflytjendum.

Ríkislögreglustjóri Danmerkur Jens Henrik Höjberg segir hinsvegar í viðtali við Berlingske Tidende að með liðsaukanum sem innflytjendur séu að fá séu hóparnir orðnir um það bil jafn stórir.

Hann telur að um nú séu um fimmtán hundruð manns nú tilbúnir í slaginn.

Per Larsen yfirlögregluþjónn í Kaupmannahöfn segir að á miðvikudag hafi næturvakt lögreglunnar gert afturræka allmarga hópa innflytjenda sem hafi komið til Nörrebro frá Fjóni og Jótlandi.

Tuttugu og níu skotárásir hafa verið gerðar í Kaupmannahöfn undanfarna sex mánuði. Átökin hófust í ágúst síðastliðnum þegar ungur innflytjandi var skotinn til bana með hríðskotariffli.

Innflytjendaráðgjafinn Manu Sareen staðfestir að margir innflytjendanna séu tilbúnir til að berjast.

-Það er alveg ljóst að það er vakning meðal innflytjenda um allt land, segir Sareen.

-Það er vegna þess að það er komið upp andrúmsloft þar sem litið er á átökin sem; þeir gegn okkur.