Hátt í 30 þúsund Danir hafa þurft að minnka við sig vinnu

Rösklega 29 þúsund Danir hafa verið neyddir til að vinna við skert starfshlutfall tímabundið á síðustu níu mánuðum og þiggja atvinnuleysisbætur í staðinn. Þetta sýna nýjar tölur frá Vinnumálastofnuninni í Danmörku.

„Þetta er hátt hlutfall og sýnir hversu alvarleg efnahagslægðin hefur verið. Fyrir skömmu síðan voru mörg fyrirtæki í vandræðum með að ráða til sín starfskrafta og fyrirtækin hafa reynt að halda starfsmönnum í von um að þetta myndi ekki vara svo lengi," segir Lars Andersen, sem hefur fylgst með þróun atvinnumála.

Tölur frá Vinnumálastofnuninni í Danmörku sýna að 5000 launþegar hafa unnið við skert starfshlutfall lengur en í 13 vikur.