Kate og Caprio bjarga síðasta farþega Titanic

Milvina Dean var aðeins níu vikna gömul árið 1912 þegar hún var borin um borð í Titanic í fyrstu og síðustu ferð skipsins. Henni var bjargað ásamt móður og bróðir, en faðir hennar fórst.

Milvina er nú 97 ára gömul og býr á einkareknu hjúkrunarheimili fyrir aldraða í Southampton þaðan sem Titanic lagði upp.

Það kostar sitt að búa á slíku heimili og á síðasta ári þurfti Milvina að selja hinar og þessar persónulegar eigur sínar til þess að standa undir kostnaðinum.

Kvikmyndin Titanic skaut þeim Leonardo di Capril og Kate Winslet upp á stjörnuhimininn.

Írskur ljósmyndari lét þau vita af erfiðleikum Milvinu og þau eru sögð hafa brugðist rausnarlega við.

James Cameron, leikstjóri myndarinnar sem var frumsýnd árið 1997 lagði einnig sitt af mörkum í sjóð sem hefur verið stofnaður til að tryggja síðasta farþeganum áhhyggjulaust ævikvöld.