Fylkir komst í gærkvöldi í undanúrslit Lengjubikarkeppni karla eftir sigur á Grindavík í fjórðungsúrslitum, 3-2.
Í dag fara svo tveir leikir fram í fjórðungsúrslitunum og báðir í Kórnum í Kópavogi.
Klukkan 14.00 mætast Breiðablik og Þróttur og svo klukkan 16.00 lið Stjörnunnar og HK.
Sigurvegarar þessara leikja mætast í undanúrslitum á mánudaginn en Fylkir mætir sigurvegara leiks Vals og FH sem fer fram í Egilshöll annað kvöld.
