Samkomulag á milli Fatah og Hamas ekki í augsýn

Stríðandi fylkingum palestínumanna hefur ekki tekist að finna grundvöll fyrir sáttum. Fulltrúar Fatah og Hamas samtakanna hafa undanfarna daga setið sáttafundi í Kairó með egypskum milligöngumönnum. Ætlunin er að reyna að sætta sjónarmið þannig að hægt verði að stofna sjálfstætt ríki palestínumanna á Vesturbakkanum og Gaza ströndinni.

Fatah samtökin lúta stjórn Mahmouds Abbas forseta Palestínu. Hamaz samtökin hröktu hinsvegar Abbas með vopnavaldi frá Gaza og síðan hafa fylkingarnar barist.