Samsæri arabaleiðtoga og Vesturlanda

Osama bin Laden, leiðtogi Al Kaída hryðjuverkasamtakanna, sakar forystmenn hófsamara araba um samsæri og segir þá vinna með Vesturlöndum gegn hagsmunum annarra araba. Hljóðupptaka sem sögð er með bin Laden var birt á Al Jazeera sjónvarpsstöðinni í dag. Hún er talin hafa verið gerð í þessum mánuði.

,,Það er ljóst að sumir leiðtogar araba hafa myndað bandalag með síonistum gegn múslima þjóðinni," sagði bin Laden án þess að nafngreina leiðtoganna.

Langt er síðan heyrst hefur frá hryðjuverkaleiðtoganum og sögusagnir hafa verið á kreiki um að hann sé látinn.  Hinsvegar er venjulega hægt að treysta skilaboðum sem Al Jazzera kemur á framfæri frá bin Laden og Talibönum. Samkvæmt þessu er hann því enn á lífi.