Ledley King verður ekki með enska landsliðinu

Ledley King hefur yfirgefið æfingabúðir enska landsliðsins og mun því ekki spila með liðinu í æfingaleiknum gegn Slóvakíu eða gegn Úkraínu í undankeppni HM 2010.

Það kom mörgum á óvart að Fabio Capello landsliðsþjálfari hafi valið King þar sem hann á við krónísk hnémeiðsli að stríða og getur af þeim sökum lítið sem ekkert æft á milli leikja.

Læknar landsliðsins skoðuðu King og var hann í kjölfarið sendur aftur heim til Tottenham.

„Báðir aðilar voru sammála um að það hentaði leikmanninum best að halda áfram að sinna sínum æfingum hjá hans félagi."