Svínaflensubarn dó vegna læknamistaka

Ungabarn lést vegna læknamistaka á spítala á Spáni. Það athyglisverða við það var hinsvegar að móðir þess, tuttugu ára gömul kona sem var innflytjandi frá Maraokkó lést aðeins nokkrum klukkustundum eftir fæðingu úr svínaflensu.

Læknum tókst að bjarga barninu en það var tekið með keisaraskurði. Barnið var fyrirburi en aðgerðin var þörf þar sem móðirinn var alvarlega veik.

Barninu var hugað líf og vakti sagan mikla athygli á Spáni. Það var svo í lok júní sem hjúkrunarkona gaf barninu næringu í gegnum æð sem varð því að bana. Um var að ræða alvarleg læknamistök.

Læknar reyndu að bjarga barninu um nóttina en það lést að lokum.

Forsvarsmenn spítalans viðurkenndu sök sína og báðust afsökunar - og viðurkenndu um leið að ekkert gæti linað þjáningar þeirra sem að málinu koma.

Hjúkrunarkonan var á fyrstu vaktinni sinni á þessari tilteknu deild. Henni hefur verið vikið tímabundið frá störfum á meðan málið er rannsakað.