Hætta á efnavopna- eða kjarnorkuárás eykst

Hættan á hryðjuverkaárás með efna- eða kjarnorkuvopnum hefur aukist til muna í Bretlandi. Þetta kemur fram í nýrri skýrslu breska innanríkisráðuneytisins þar sem bent er á að þjófnaður og smygl ýmissa hættulegra, og meðal annars geislavirkra, efna hafi færst mjög í vöxt víða í heiminum auk þess sem upplýsingar og alls kyns leiðbeiningar um hvernig hægt sé að útbúa mjög hættuleg vopn sé að finna á Netinu þar sem hver sem er geti nálgast þær.

Jacqui Smith, innanríkisráðherra Bretlands, segir að til standi að sérþjálfa 10.000 breska lögreglumenn til að bregðast við aðgerðum hryðjuverkamanna.