Bandaríkin ættu að sýna gott fordæmi

Bandaríkin ættu fremur að sýna öðrum ríkjum gott fordæmi en að hlutast til um það hvernig þeim er stjórnað. Þetta var meðal þess sem Barack Obama Bandaríkjaforseti sagði í ræðu sem hann hélt í Kaíró í Egyptalandi í gær. Einnig lét hann þess getið að lokun Guantanamo-fangabúðanna á Kúbu væri eitt af því í eina rétta sem Bandaríkin gætu gert til að sýna fram á að þau fylgdu raunverulega þeim gildum sem þau segðust fylgja. Obama fer til Riyadh í Sádi-Arabíu síðar í dag og fundar þar með leiðtogum araba en markmiðið með heimsókn hans er að bæta tengsl Bandaríkjanna við múslimaríkin í austri.