Motzfeldt of drukkinn í flug

Jonathan Motzfeldt, fyrrverandi formaður grænlensku landstjórnarinnar, fékk ekki að fara um borð í þyrlu, sem var á leið frá Qaqortoq til Narsarsuaq um miðjan maí, þar sem hann þótti of drukkinn.

Þetta hefur danska ríkisútvarpið eftir grænlenska dagblaðinu Sermitsiaq.

Motzfeldt var á leið á kosningafund. Heimildarmenn grænlenska blaðsins halda því fram að hann hafi brugðist reiður við þegar honum var fylgt út og hrópað að hann væri „konungurinn af Grænlandi".- ghs