Kveikt í húsi vegna ummæla

Rita Bahuguna Joshi, einn af hæstráðendum í Con-gress-flokknum í Indlandi, var handtekin í gær. Einnig var kveikt í húsinu hennar. Ástæðan er sú að hún hvatti til þess að uppreisnarleiðtoga yrði nauðgað svo hann gæti betur skilið sársauka nauðgunarfórnarlamba.

Joshi sagðist sjá eftir því sem hún sagði og að ummæli hennar hefðu verið tekin úr samhengi. „Ég sem kona hefði ekki átt að segja þetta. Ég biðst afsökunar," sagði hún á blaðamannafundi í gær. Hún hefur verið dæmd í 14 daga gæsluvarðhald og gæti átt yfir höfði sér 10 ára fangelsi.- vsp