Morðóði prófessorinn fannst látinn

George Zinkham var fimmtíu og sjö ára gamall. Hann var virtur og vinsæll og hafði átt skínandi feril sem prófessor í markaðsfræðum við ríkisháskólann í Georgíu.

Fyrir hálfum mánuði lenti hann í rifrildi við eiginkonu sína í áhugamannaleikhúsi þar sem hún starfaði.

Hann gekk á braut en sneri aftur með tvær skammbyssur og skaut eiginkonuna og tvo aðra til bana.

Hann ók svo heim til nágranna síns með tvö ung börn þeirra hjóna og bað hann um að gæta þeirra þar sem hann þyrfti að sinna einhverju ótilgreindu neyðartilfellu.

Mikil leit var gerð að Zinkham. Jeppabifreið hans fannst í gili í skóglendi í síðustu viku.

Nú er lík hans sjálfs fundið. Hjá því voru skammbyssurnar tvær sem hann hafði notað til morðanna.