Veitir Gordon Brown náðarhöggið

Atvinnumálaráðherra Breta, James Purnell, sagði af sér ráðherradómi í kvöld og er talinn hafa veitt forsætisráðherra Breta, Gordon Brown, pólitískt náðarhögg með afsögn sinni.

Aðstoðarmaður Purnell sagði í viðtali við fjölmiðla í kvöld að Purnell skoraði á Brown að segja af sér svo Verkamannaflokkurinn ætti möguleika á sigri í næstu þingkosningumm.

Þegar eru Hazel Blarie og Jaqui Smith búnar að segja af sér. Sú fyrrnefnda, sem var ráðherra sveitafélaga, sagði af sér eingöngu sólarhring fyrir sveitastjórnarkosningar þar í landi.

Purnell, sem oft er litið á sem framtíðarleiðtogaefni Verkamannaflokksins, vildi ekki segja af sér fyrr en búið væri að loka kjörstöðum fyrir sveitastjórnarkosningar. Hann vildi ekki að andstæðingar hans gætu haldið því fram að hann hefði skaðleg áhrif á útkomu flokksins í kosningunum.

Talið er að Verkamannaflokkurinn munu bíða afhroð í sveitastjórnakosningunum sem gæti þá orðið endanlega til þess að Gordon Brown verði gert að flytja frá Dowingstræti.