Vel heppnuð geimferð

Geimferjan Discovery er komin aftur til jarðar eftir vel heppnaðan þrettán daga leiðangur til Alþjóðlegu geimstöðvarinnar. Ferjan lenti á Kennedy-geimferðamiðstöðinni í Flórída nokkrum klukkustundum eftir áætlun, en heimferðinni hafði verið frestað lítillega vegna slæms veðurs.

Sjö meðlimir Discovery fóru í leiðangurinn sem tengdist eflingu sólarorkunnar sem geimstöðin notast við. Einn geimfari, Sandra Magnús, sem hafði verið í stöðinni í fjóra mánuði var á meðal þeirra sem sneru aftur til jarðar.

Á sama tíma og geimferjan kom til jarðar lenti rússneskt geimfar með bandarískan milljarðamæring á Alþjóðlegu geimstöðinni. Hann heitir Charles Simonyi og var í sinni annarri geimferð. - fb