Benitez: Kuyt er frábær atvinnumaður

Rafa Benitez, stjóri Liverpool, var að vonum sérstaklega kátur með frammistöðu Hollendingsins Dirk Kuyt í leiknum gegn Hull í dag. Kuyt var að spila sinn 100. leik fyrir Liverpool í úrvalsdeildinni og hélt upp á það með því að skora tvö mörk.

„Það eru allir ánægðir fyrir hans hönd. Kuyt er frábær atvinnumaður og leggur alltaf hart að sér. Frammistaða hans var afar jákvæð og við erum ánægðir með hann," sagði Benitez.

„Við lögðum hart að okkur í þessum leik og hljótum að vera sáttir við stigin þrjú. Við vorum svolítið stressaðir því völlurinn var skelfilegur. Hann var þurr og grasið hátt. Það var erfitt að senda boltann við þessar aðstæður," bætti Benitez við.