Forsetaframbjóðandi myrtur í Gíneu Bissau

Baciro Dabo, forsetaframbjóðandi og fyrrum varnarmálaráðherra Gíneu Bissau, var myrtur í gær. Annar fyrrum varnarmálaráðherra landsins, Helder Proenc, var einnig myrtur í gær ásamt tveimur lífvörðum.

Dabo var náin Joao Bernardo Vieira, þverandi forseti Gíneu-Bissau, sem var skotinn til bana á heimili sínu skömmu eftir að yfirhershöfðingi landsins var ráðinn af dögum í sprengjutilræði á skrifstofu sinni 2. mars sl. Forsetinn og hershöfðinginn voru svarnir fjandmenn og höfðu lengi tekist á um völd í landinu.

Í framhaldinu var boðað til forsetakosninga sem fram eiga að fara 28. júní.

Frá því landið fékk sjálfstæði frá Portúgal árið 1975 hafa uppreisnir og valdarán verið tíð.