Ungum stúlkum nauðgað í Afganistan

Stúlkum allt niður í sjö ára gömlum er nauðgað í Afganistan þar sem aðstæður kvenna eru littlu betri en þegar Talíbanar voru þar við völd. Þetta kemur fram í árlegri skýrslu Sameinuðu þjóðanna um mannréttindi.

Í skýrslunni kemur fram að ástandið hafi versnað eftir að Talíbanar fóru þar frá völdum eftir innrás bandaríkjahers árið 2001.

„Ofbeldi er látið viðgangast af fjölskyldum og samfélaginu, jafnt innan hefðbundinna trúar- og leiðtoga samtaka, sem og innan formlegs og ófromlegs kerfis laganna." segir Navi Pillay nefndarmaður í nefnd Sameinuðu þjóðanna sem fjallar um mannréttindi.

Stjórnvöldum í Afganistan hefur mistekist að vernda mannréttindi kvenna þrátt fyrir stjórnarskrárbundinn rétt þeirra. Ofbeldi gegn konum kemur fram í nauðgunum, „heiðursmorðum", snemmbúnum og þvinguðum hjónaböndum, kynferðislegri misnotkun og þrældómi segir í skýrslunni.

„Öryggið er stærsta vandamálið," segir Suraya Pakzad stofnandi samtakanna Raddir kvenna, sem stuðla að menntun og berjast fyrir réttindum kvenna í Afganistan.