Tekur Ryan Giggs við velska landsliðinu?

John Hartson vill sjá landa sinn Ryan Giggs taka við velska landsliðinu í fótbolta þegar hann leggur skónna á hilluna og byrja því stjóra ferill sinn alvega eins og fyrrum félagi hans hjá Manchester United, Mark Hughes.

„Hann hefur allt í þetta og mikla virðingu frá leikmönnum," sagði Hartson og það má einnig búast við því að hann hafi lært mikið af því að hafa spilað fyrir Sir Alex Ferguson í tvo áratugi.

„Ég ekkert því til fyrirstöðu að hann fari sömu leið og Mark Hughes. Hann er búinn að vinna með besta breska stjóranum í tugi ára, hann er rólegur og gáfaður og lætur menn ekkert æsa sig upp. Hann er frábær leikmaður og góður sendiherra fyrir velskan fótbolta," sagði Hartson og bætir við.

„Góðir leikmenn verða ekki alltaf góðir stjórar en það er margt hjá Giggs sem bendir til þess að að hann gæti gert góða hluti í stjórasætinu," sagði Hartson.

Giggs var á dögunum valinn besti leikmaður ensku úrvalsdeildarinnar af leikmannasamtökunum og lék sinn 800. leik fyrir Manchester United í undanúrslitum Meistaradeildarinnar í gær. Giggs, sem er orðinn 35 ára, er með samning til ársins 2010 en hann er ekkert farinn að tala um að hætta í boltanum.

Giggs hefur sótt þjálfaranámskeið með knattspyrnuferlinum og hefur náð sér í öll nauðsynlega þjálfararéttindi. Hann hefur ekki farið leynt með það að hann ætli sér í þjálfun eftir að leikmannaferlinum líkur.