Kúgaði fé út úr ríkum konum

Helg Sgarbi, 44 ára gamall svikahrappur sem nú er jafnan nefndur „svissneski flagarinn“ viðurkenndi fyrir dómi að hafa svikið milljónir evra út úr fjórum auðugum konum.

Meðal fórnarlamba hans var Susanne Klatten, 46 ára gömul kona, sem lét hann fá sjö milljónir evra. Klatten er erfingi BMW-fyrirtækisins. Sgarbi kúgaði út úr henni fé með því að hóta að birta myndir af þeim saman. Hann fór eins að með hinar konurnar og hafði af þeim samtals 2,4 milljónir evra. Hann á yfir höfði sér allt að tíu ára fangelsisdóm.- gb